|
Mit der folgenden gereimten Anklage wurden dem
Bauernverbandspräsidenten Gerd Sonnleitner „die Leviten gelesen“.
Wo Aufrichtigkeit und Wahrheit hinkt,
wo Lug und Trug zum Himmel stinkt,
und wo´s Brauch is, daß ma Worte bricht,
do kimmt des Haberfeldgericht.
Da schrei mas ausse ohne End,
Wos uns unter de Nägl brennt.
Wo Großstrukturen werdn g´schaffa,
Uns Gloane machan´s zum Affen,
Da nenn ma beim Namn de Übeltäter:
Für uns hand solchene Bauernverräter.
Is wohr? - wohr is!
Ois Bauernverbandspräsident hast du versagt,
darum wirst heut davon gejagt.
Mit neuen ausgeliehn Fendt losst dich für Presse
fotografiern,
Und nembei vom Handel und da Industrie schmiern.
De Bauern hast du billig verkauft,
Das ois in den Ruin einlauft.
Dem Bauernstand geht es sehr schlecht,
Neamd ma is Herr, a jeder is Knecht
Is wohr? - wohr is!
Kontrollen, de Du ausgmacht host,
Jeden Bauern in de Knia geh lost,
Doch niemand, der Dich kontrolliert,
Du hast Doch jeden ausgeschmiert.
Beim Milchstreik spielst Dich sauba auf,
Springst auf den fahrenden Zug mit auf,
Du merkst den großen Bauernfrust,
Setzt an Schaber´s Messer an die Brust
Is wohr? - wohr is!
Der Bauernverband, der Baziverein,
Treibt die kloan Bauern ins Büro hinein,
Ois kert aufgschrim und dokumentiert,
Dass da Bauer no ganz narrisch wird.
De Großbetriebe sitzn beim Wirt beianand
Und überleng, was no ois mit de Fördergelder dan.
Des schaut aus wir a Kesselfleisch, desma Umrührt, des
wist´s ja eh,
Kimmt oba immer dagleiche Riaßl in´d Höh
Is wohr? - wohr is!
Was ins Wocha Blattl und in Top agrar Eischreim, is ois a
Kas,
Des zum lesn macht koan Spass,
Wird an Bauern vorgsetzt ois Einheitsbrei,
Wenns les´d und dengst wisd bläd dabei.
Da wird ois sche gred und wird fest ghetzt,
Des wird an Bauern ois TMR vorgsetzt,
Wos oba scho des Gscheida wär,
Du nimmst Top Agrar un´s Wocha Bladl zum Osch putzn her.
Is wohr? - wohr is!
Am Medienrat und über oi schlifan´s ei,
Da sitzn de Banditn in da ersten Reih
Und beruhig de Verbraucher und den Bauernstand a
Und bringan, des wos ned Wahrheit war.
Da Sonnleitner schreit, die Ernte is guat,
Da Bauer hoad an Dünger schon zoat mit sein letz´n Bluat,
Und is des Zeig zfui, haun´s ses in Biogas ei,
Des duad dann in de Medien etisch vertretbar sei.
Is wohr? - wohr is!
Da Seehofa moans´d des is a Moa mid an
Gfui,
Der woas schon bei der Weiba ned was a woi.
Er hoad de Bauern 3 Johr missbraucht,
Beim Milchstreik gscheid an Dreg ei daucht.
De Millibauern de ham nur verlorn,
Und er is Ministerpräsident drauf wohrn,
Des hamd nur de meistn no ned gspannt,
Armes, armes Bauernland
Is wohr? - wohr is!
Wer de Raiffeisen fo früher kennt,
De wird heid Raff- und Raubeisen gnend,
Des wos a macht da Raiffeisenverband,
Des is doch wohl a wahre Schand,
Nüssl ois erst der mocht scha wirs lauft,
Hoad ois verot´n und verkauft,
Hod Mille vo de Russn ghoid,
Mir hoffma, das den da Deife hoid.
Is wohr? - wohr is!
BSE, Blauzungen und Vigelgripp war ned so schlimm
Ois wia itz beim Milchindustrieverband oana noch dem andan
kimmt.
Hetzner is ganga, da Häuser is kemma,
Da Milchindustrieverband duad uns wia Drachn vorkemma,
Wenn´s oan Kopf oa schlogst, wochst a schlimmana no,
Blos bei dem neia Drachnkopf geht´s Hirn leida o.
Mir hoffma, dass den Drachn zreisst
Und zamtn Kopf auseinanda reisst.
Is wohr? - wohr!
Da Isemayer und da Weindlmaier beratn de Regierung so guad,
Blos in eahna ne Adern fliest Mafia Bluad,
Lemd vo de Bauern eanan Geld,
Und wenn´s Geld ned glangd, is klar, das mas Geld stehld.
De hamd uns bei bei da Regierung veraten und verkauft,
Das da Karrn schnell gnua an Dreg eilauft,
Und wenn de Herrn S´denga a anfanga dean
Mit de giftinga Gedankn, missan´s glatt an Bluadvergiftung
sterm.
Is wohr? - wohr is!
De Bauern in da Noad hamd an BDM gründ,
Dann is de Bayern-Meg kemma ois Tod geborn´s Kind,
Bayernmilch und Unternehmen Milch hamd´s ses an no brobierd,
Is vom Bauernverband je da Schuß im Rohr drin krepierd.
Hötzl, Gresslinger, Brams,
de wittern do drin de große Chance,
de mechtn da de groß Trompn blossn
und san do oas blos lare Hosn.
Is wohr? - wohr is!
De Macht, de geht vom Volke aus,
Drum ruck ma mir zum Hoabafeld-dreim aus,
De nei Regierung sei gewarnt und aufgeklärt:
Wenn des jetzt ned boid anders werd
Und da Saustoi da gleiche bleibt,
Man nur neie Sau durche dreibt,
Dann kannst an Bauernstand vergessn,
Und Leid könnan´s Zeig vom Ausland fressn.
Is wohr? - wohr is!
Bauernverband, Bauernverband,
Du bist nima da Vertretter von de Laid vom Land,
Du duasd nur de Gentech-Industrie verstehn,
Und die bäuerliche Landwirtschaft ned verdrehn,
Drum pack jetzt zam und nimm dein Huad,
Denn ohne di geht´s genau so guad.
Du hasd uns Bauern scho lang nimma verdred´n,
Eiso zampacka und gehn.
Is wohr? - wohr is!
Für heit is gar, iaz gebt´s a Ruah,
Mia müß ma wida da Hoamat zua,
Doch merkt´s guad auf, und richt´s eng fein,
Sonst gibt´s wieda a Haberfeldtreib´n,
Weil des oane kenne ma jed´n hoaß´n,
Mit de Haberfeldtreiber is ned zum g´spoaßn.
Is wohr? - wohr is!
Nachan treibt´s eah nochamoi g´scheid!
|
